Cyfraith Trosedd

Mae llawer o bobl o’r farn mai Allington Hughes yw un o gwmnïau cyfraith trosedd gorau Gogledd Cymru. Mae ein Tîm Troseddol wedi’i asesu yng Nghategori Un – Rhagoriaeth (y categori uchaf) mewn adolygiad annibynnol gan y Comisiwn Gwasanaethau Cyfreithiol. Dim ond 2 gwmni yng Nghymru a gyflawnodd hyn, a dim ond 17 ledled y Deyrnas Unedig.

Mae’r tîm sy’n gweithio i’n holl swyddfeydd wedi’i leoli yn Wrecsam, ac mae’n darparu cymorth mewn Gorsafoedd Heddlu a chynrychiolaeth mewn Llysoedd Ynadon a Llysoedd y Goron ledled yr ardal.

Arweinydd ein tîm gwybodus a phrofiadol yw Melissa Griffiths, sydd wedi’i hargymell gan y Legal 500. Mae Melissa wedi’i phenodi’n Gyfreithiwr Adfocad (Llysoedd Troseddol Uwch). Gall hi ymddangos ym mhob achos troseddol yn Llys y Goron neu mewn Llysoedd Uwch a gynhelir o ganlyniad i unrhyw achos troseddol.

Rydym yn delio â phob math o achosion, ac rydym yn ymroddedig i ddarparu’r cyngor a’r gynrychiolaeth orau posib, gan ddeall bod ymwneud â’r System Cyfiawnder Troseddol yn gallu bod yn brofiad anodd i’n cleientiaid ac y gall beri straen iddynt.

Bydd aelod o’n tîm yn gallu eich cynorthwyo â’r canlynol

• Cynrychiolaeth mewn Gorsaf Heddlu
• Cynrychiolaeth mewn Llysoedd Ynadon a Llysoedd Ieuenctid
• Cynrychiolaeth yn Llys y Goron
• Ymchwiliadau i Dwyll Budd-daliadau

I gael mwy o wybodaeth, cysylltwch ag ymgynghorwyr arbenigol ein Tîm Troseddol ar 01978 291000 neu 01244 312166.

---

Sylwadau gan Gleientiaid

"Byddwn yn sicr yn defnyddio eich gwasanaethau eto yn y dyfodol petawn eu hangen."

"Gwasanaeth proffesiynol iawn. Roeddwn yn deall popeth."

---